Tomas Bax: 2016 yilgi Olimpiadaga qochqinlardan tuzilgan jamoa qabul qilinadi

Qochqin maqomidagi sportchilarda tuzilgan jamoa 2016 yilgi Olimpiada o‘yinlarida ishtirok etadi.

Xalqaro olimpiya qo‘mitasi prezidenti Tomas Bax 2016 yilda Braziliyada o‘tkaziladigan Rio-de-Janeyro olimpiadasida qochqinga aylangan sportchilar ham ishtirok etishini ma'lum qildi.

"XOQ Rio-de-Janeyroga qochqin maqomidagi saralangan sportchilarni taklif etadi", degan Bax.

TASS agentligi xabarida aytilishicha, XOQ qochqinlar uchun 2 mln dollarlik jamg‘arma tashkil etadi.

Ma'lumot uchun, Rio olimpiadasi 2016 yilning 5 avgustidan 21 avgustgacha bo‘lib o‘tadi.

Rio olimpiadasida ilk marta qochqin maqomidagi sportchilar ishtirok etishi mumkin