Yevropada 10 mingga yaqin qochqin bola yo‘qolib qolgani ma'lum bo‘ldi

Yevropaga ota-onasiz va yaqinlarisiz kelgan 10 mingga yaqin qochqin bola Yevropa Ittifoqi chegaralarini kesib o‘tish vaqtida yo‘qolib qolgan. Bu haqda Yevropol ma'lumotlariga iqtibos keltirgan holda The Guardian nashri xabar bermoqda.

Italiyada 5 ming bola, yana mingga yaqin bola Shvetsiyada yo‘qolib qolgan. Buyuk Britaniyada qayerdaligi noma'lum bo‘lgan bolalar soni bir yil ichida 2 barobarga ko‘paygan. Yevropol ma'lumotlariga ko‘ra, o‘tgan yili Yevropaga kelgan qochqinlardan 270 mingi voyaga yetmaganlar bo‘lgan.

Politsiyachilar bu bolalardan ko‘pchiligi Yevropaga kelgach odam savdogarlari qurboniga aylangan bo‘lishi mumkinligidan xavotirlanmoqda.