17 fevral oqshomida Yevropa chempionlar ligasining nimchorak finalidan o‘rin olgan uchrashuvlar davom ettirildi.
Rimda "Roma" Madridning "Real" jamoasini qabul qildi. Zinedin Zidanning YeChLdagi ilk murabbiylik o‘yinida "Real" 2:0 hisobida g‘alaba qozondi.
Birinchi bo‘limda darvozalar daxlsiz qoldi. O‘yining 57-daqiqasida Krishtianu Ronaldu uchrashuvda hisobni ochdi. 86-daqiqaga kelib Xese ustunlikni oshirdi.
O‘yinda hisob boshqa o‘zgarmadi madridliklar javob o‘yini oldidan vaziyatni yaxshilab olishdi. Javob o‘yini 8 mart kuniga belgilangan.
Yevropa chempionlar ligasi, 1/8 final
Roma — Real 0:2
Gollar: Ronaldu, 57, Xese, 86
Roma: Shesni — Florentsi (Totti, 87), Manolas, Ryudiger, Din — Pyanich, Venker (De Rossi, 77) — Salax, Nainggolan, El Shaaravi (Jyeko, 64) — Perotti
Real: Navas — Karvaxal, Ramos, Varan, Marselo — Modrich, Kroos, Isko (Kovachich, 77) — Xames (Xese, 82), Benzema, Ronaldu (Kazemiro, 89)
Ogohlantirishlar: Varan, Ramos.