Toshkentdagi boks kechasida o‘zbekistonliklarning barchasi g‘alaba qozondi

Kecha, 26 fevral kuni, “O‘zbekiston” sport majmuasida boksning yangi yo‘nalishi Butunjahon boks seriyasi, ya'ni WSB bo‘yicha dastlabki uchrashuv o‘tkazildi. Unda “O‘zbek yo‘lbarslari” jamoasi Puerto-Rikoning “Puerto Rico Hurricanes” jamoasiga qarshi ringga ko‘tarildi.

Mazkur jamoalarning San-Xose shahrida bo‘lib o‘tgan ilk to‘qnashuvida WSB “O‘zbek yo‘lbarslari” jamoasi 5:0 hisobida g‘alaba qozongan edi. Toshkentdagi javob uchrashuvida ham o‘zbekistonlik bokschilar raqiblariga hech qanday imkoniyat qoldirmay, huddi shunday 5:0 hisobida g‘alabaga erishdi.

WSB. S2 jamoalari: "Uzbek Tigers" 5 - 0 "Puerto Rico Hurricanes"

52 kg: Qodirov Abror - Keyber Avilla (TKO R3 0:11)
60 kg: Abduraimov Elnur - Stiven Ruidiaz (50:45/50:45/50:45)
69 kg: Turdiyev Doston - Samuel Kedeno (TKO R3)
81 kg: Abdullayev Shuhrat - Juan Karillo (49:46/49:46/49:46)
+91 kg: Abdullayev Sardor - Valavikus Mantas (50:45/50:44/50:45)

Shuningdek, kecha APB yo‘nalishida ham uchta jang o‘tkazildi va ularning barchasida o‘zbek bokschilari g‘olib chiqdi:

52 kg: Latipov Jasurbek (O‘zbekiston) — Murdum Engene Gandulam (Mo‘g‘uliston) TKO 5R
69 kg: Mahmudov Dilshod (O‘zbekiston) — Yuba Ndiayye Sissoxo (Ispaniya) 3:0
75 kg: Madrimov Isroil (O‘zbekiston) — Krishan Vikash Yadav (Hindiston) 3:0

Bugun, 27 fevral kuni, “O‘zbekiston” sport majmuasida «Uzbek tigers» va «Astana arlans» jamoalari o‘rtasidagi janglar ham bo‘lib o‘tadi.