Buzton 2016 yilda TAS-IX NNT muvofiqlashtiruvchisi bo‘ldi

Aloqa operatori Beeline “TAS-IX Ma'lumotlar Yetkazish Tarmoqlari O‘zaro Aloqalari Markazi” NNT koordinatori vakolatini qabul qildi. TAS-IX ishtirokchilarining yakuniy yig‘ilishida NNT Nizomiga muvofiq, Buzton MChJ QK 2016 yilda tashkilotning muvofiqlashtiruvchisiga aylandi (ishtirokchilar qarori bo‘yicha har yili alfavit tartibda tashkilot muvofiqlashtiruvchisining rotatsiyasi amalga oshiriladi).

“Odatda TAS-IX haqida so‘z borganda odamlar uni UzNet saytlariga o‘xshash deb o‘ylashadi, – deydi Buzton QK bosh direktori Oraz Abdurazakov. – Aslida esa buning ortida 10 yildan ziyod tajribaga ega tashkilot va ko‘plab odamlarning mehnati yotadi. Ular qanchalik samarali ishlashini bilish uchun quyidagi raqamlarga e'tibor qaratish kifoya: agar 2005 yilda TAS-IXning umumiy trafigi 6,3 Terabaytni tashkil qilgan bo‘lsa, 2015 yilga kelib bu hajm 6 ming martadan ziyodga oshib - 37 ming Terabaytga yetdi. Bu yil TAS-IX muassislari va tashkilot rahbarlarining rejalarida quvvatlarni zahiralash bor bo‘lib, bu uzluksiz ishlashni hamda O‘zbekiston hududlarida yashovchi aholining TAS-IXga ulanish ko‘lamini kengaytirishni ta'minlaydi”.

Zulfiya Gulyamova, TAS-IX NNT direktori: “TAS-IX 12 yil avval ro‘yxatga olingan bo‘lib, u hozirda ham TAS-IX muassislari bo‘lmish beshta kompaniya tashabbusi bilan tashkil etilgan. Ayni paytda ishtirokchilarimiz soni 42 tagacha kengaygan. Ular orasida Internet va kontent-provayderlari, mobil kompaniyalar, nafaqat tijorat, balki davlat tashkilotlari ham bor”.

“TAS-IX Ma'lumotlar Yetkazish Tarmoqlari O‘zaro Aloqalari Markazi” NNT O‘zbekiston Respublikasi Adliya vazirligi tomonidan 2004 yil 27 yanvar kuni ro‘yxatga olinib, xususiy AS30865 Avtonom Tizimini taqdim etgan RIPE xalqaro tashkiloti sifatida tan olingan. Batafsil ma'lumot www.tas-ix.uz saytida.