Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Қозоғистон пойтахтида жойлашган “Абу-Даби Плаза” биноси тағин ёниб кетди
11:07 / 04.03.2016
3227

Қозоғистон пойтахтида жойлашган кўптармоқли "Абу-Даби Плаза" биноси тағин ёниб кетди. Бу ҳақда мамлакат ИИВ қошидаги фақулодда вазиятлар қўмитаси маълум қилган.

Қўмита вакили Руслан Иманкуловнинг сўзларига кўра, ёнғин бинонинг баландда жойлашган қаватларидан бирида, маҳаллий вақт билан 07:47 да бошланган. "Ўт ўчириш бўлимларининг қайд этишича, ёнғин минераль ватадан келиб чиққан ҳамда ёнғиннинг умумий майдони 50 кв. м ни ташкил этади", - деб вазиятга аниқлик киритди Иманкулов.

Ёнғинни ўчириш учун шахсий таркибдаги 4 техника ва 37 киши иштирок этди. "Ёнғин маҳаллий вақт билан 08:47 да бартараф этилди", - деди Иманкулов.

Маълумот учун, жорий йилнинг 13 февраль куни айнан мана шу мажмуада йирик ёнғин келиб чиққан эди.


Улашинг
  • Теглар:
Top