Ҳондурас пойтахтида полиция либосидаги жиноятчилар 10 кишини отиб кетишди
10:50 / 06.03.2016
1490

Ҳондурас пойтахти Тегусигальпа шаҳрида қуролли шахслар ҳужуми вақтида камида 10 киши ҳалок бўлди. Бу ҳақда Рейтер агентлиги хабар тарқатган.

Воқеа 5 март куни рўй берган. Маълум қилинишича, полиция либосини кийган 5 нафар шахс бильярдхонага автомобилда кириб келган ва АК-47 автоматлари орқали ўт очишган.

Воқеа жойида 8 киши ҳалок бўлган. Яна 2 киши жароҳатланган ҳолда шифохонага олиб борилгач, жон берган.

Маълумот учун, Ҳондурасда ҳар куни ўртача 16та қотиллик рўй беради. Асосий ҳолатлар турли жиноий гуруҳлар ўртасидаги келишмовчиликлар туфайли содир бўлади.


Улашинг
  • Теглар:
Top