Fly Dubai aviakompaniyasi Rostovda qulagan Boeing samolyotida O‘zbekiston fuqarosi bo‘lganini tasdiqladi

Fly Dubai Rostovda qulagan samolyotida bo‘lgan yo‘lovchilarning fuqaroligiga aniqlik kiritdi. Kompaniya bayonotida ma'lum qilinishicha, bortda Rossiyaning 44 nafar, Ukrainaning 8 nafar, Hindistonning 2 nafar va O‘zbekistonning 1 nafar fuqarosi bo‘lgan.

Aviakompaniya marhumlarning yaqinlariga hamdardlik bildirgan.

Eslatib o‘tamiz, 19 mart, shanba kuni FlyDubai aviakompaniyasiga tegishli Boeing 737-800 layneri Rossiyaning Rostov-Don shahri aeroportiga qo‘nish vaqtida halokatga uchradi. Hodisa oqibatida 62 kishi — 55 yo‘lovchi va ekipajning 7 a'zosi halok bo‘lgan.

Bundan oldinroq, ushbu samolyot bortida bo‘lganlardan biri o‘zbekistonlik bo‘lgani haqida xabar chiqqan, O‘zbekiston TIV bu ma'lumotni tekshirishga kirishgandi.

Rostovda halokatga uchragan samolyotda bo‘lganlarning to‘liq ro‘yxati e'lon qilindi