10:26 / 19.03.2016
1399

Manba: Rostov-Donda qulagan Boeing samolyotida O‘zbekiston fuqarosi bo‘lgan

19 mart kuni mahalliy vaqt bilan soat 3:40da Dubaydan Rostov-Don shahriga uchishni amalga oshirish vaqtida aeroportga qo‘nish oldidan qulab tushgan Fly Dubai aviakompaniyasiga tegishli Boeing 737-800 samolyotida jami 12 nafar xorijlik bo‘lgan.

TASS agentligining oxirgi ma'lumotlariga ko‘ra, samolyotda avval aytilganidek 61 kishi emas (55 nafar yo‘lovchi va ekipajning 6 nafar a'zosi) 62 kishi bo‘lgan. Ya'ni ekipaj a'zolari soni 7 nafar bo‘lgan.

Manbada aytilishicha, ekipaj a'zolarining barchasi BAA fuqarolari edi. Shuningdek, yo‘lovchilardan 5 nafari xorijlik ekani aytilmoqda.

Xabar qilinishicha, yo‘lovchilarning 2 nafari ukrainalik, qolgani hindistonlik va o‘zbekistonlik bo‘lgan.

Ayni vaqtda Rossiya FVning Rostov viloyati bo‘yicha bo‘limida ushbu samolyot halokati qurbonlari haqida ma'lumot olish uchun 8-863-23-99999 telefon raqami ishlamoqda. Shuningdek, aviahalokat bo‘yicha ma'lumotlar olishda 8-800-775-17-17 raqamiga qo‘ng‘iroq qilish mumkin.

Rostovdagi aeroport atrofiga samolyot bortida bo‘lgan yo‘lovchilarning qarindoshlari va yaqinlari bo‘lgan 600 nafardan ortiq kishi yig‘ilgan. Ularga ruhiy yordam ko‘rsatish uchun maxsus mutaxassislar ham aeroportga yuborilgan.

Top