Poygachi Fernando Alonso Avstraliyada o‘tayotgan Gran-prida jiddiy avariyaga uchradi

Avstraliyada o‘tayotgan Gran-prida jiddiy avariya yuz berdi. Poyga qizil bayroq bilan to‘xtatilgan.

Ispaniyalik avtopoygachi Fernando Alonso meksikalik poygachi Esteban Guterresni quvib o‘tish jarayonida boshqaruvni yo‘qotib halokatga uchragan.

Poyga boshqaruvchilari yuz bergan falokat tufayli qizil bayroq yordamida musobaqani to‘xtatishgan.

So‘nggi ma'lumotlarga ko‘ra, musoboqada “Mersedes” boshqaruvchisi Niko Rosberg g‘olib bo‘lgan. Ikkinchi o‘rin esa amaldagi jahon chempioni Lyuis Xemiltonga nasib qilgan. Kuchli uchtalikni “Ferrari” poygachisi Sebastyan Fettel qo‘lga kiritigan.