Adidas brendi Porsche 911 ko‘rinishidagi butsalarini taqdim etdi

Porsche Automobil Holding SE holdingi tarkibidagi Porsche Design kompaniyasi va adidas hamkorligida oyoq kiyimlar jamlanmasi yaratildi. Luxurylaunches nashri ma'lumotiga ko‘ra, gap futbol butsalari haqida ketmoqda.

Design Sport X nomi ostidagi mahsulot butunlay qora rangda bo‘lib, u tashqi ko‘rinishidan Porsche 911 sportkari dizaynini eslatadi. Bunday mahsulotlardan cheklangan miqdorda, ya'ni 1500 nusxa tayyorlangan. Bu butsalar savdoga chiqarilgan, narxi 375 yevro.