Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Домодедово аэропортида 80дан ортиқ покистонлик ушлаб қолинди
18:07 / 24.03.2016
507

23 март куни кечқурун Москванинг Домодедово аэропортида 80 нафардан ортиқ покистонликларни ушлаб қолишди. Уларни виза қонунчилигини бузганликда гумон қилишмоқда. Бу ҳақда Покистоннинг Москвадаги элчихонаси консуллик бўлими ходимига асосланиб, ТАСС агентлиги хабар берган.

Агентлик суҳбатдошининг сўзларига кўра, 84 нафар покистонлик Домодедово аэропортида ушланиб турилибди.

«Бу гуруҳдан ташқари яна 48 нафар фуқаро Внуково аэропортидан Исломободга депорт қилинди», - дейди манба.

Аэропортдаги Россия консулининг тушунтиришича, қолганлар ҳам депорт қилининишининг «юқори эҳтимоли» мавжуд.

Москва шаҳрида яшаш учун етарли миқдорда маблағнинг уларда йўқлиги миграция хизмати томонидан Россия ҳудудига киритилмасликка сабаб сифатида кўрсатилди.

«Москвага келганларнинг саёҳатчилар эканлигини тасдиқловчи барча керакли ҳужжатлар бизда мавжуд. Уларга визалар берилган ва меҳмонхоналардан эгалланган жойлар ҳақида ҳужжатлар ҳам бор. Уларнинг кўпчилиги Покистон компанияларининг тадбиркорлари», - деб давом эттирди Покистон элчихонаси ходими.

Элчихона вакилининг сўзларига кўра, Россия ТИВга норозилик нотаси жўнатилган.


Улашинг
  • Теглар:
Top