Sayohat uchun eng yaxshi maskanlar o‘ntaligi

Bir yil davomida TripAdvisor sayti millionlab foydalanuvchilarining taassurotlarini o‘rganib chiqib, eng yaxshi maskanlar uchun Travelers' Choice (“Sayohatchilar tanlovi”) sovrini g‘oliblarini e'lon qildi. TripAdvisor marketingi bo‘yicha direktor Barbara Messing o‘zining rasmiy e'lonida shunday dedi:
“Travelers' Choice sovrini sayohatchilar tashrif buyuradigan eng mashhur maskanlar uchun taqdim etiladi va g‘oliblar sayyohlarning saytimizda qoldirgan taassurotlari va mehmonxonalarning band qilinish ko‘rsatkichiga qarab tanlanadi. Yozgi ta'tilni rejalashtirayotganlar biz taqdim etayotgan uchun eng yaxshi maskanlar o‘ntaligidan biriga tashrif buyurishning ayni vaqti deb o‘ylayman”.
10. Ubud

Indoneziyaning Bali orolida joylashgan Ubud shahri o‘zidan avvalgi beshta o‘rinni ortda qoldirib, TripAdvisors reytingining o‘ninchi pog‘onasini egalladi.

9. Nyu-York

Nyu-York shahri AQShning eng mashhur sayohat maskani bo‘lib, o‘tgan yildan ikki pog‘onaga ko‘tarildi va to‘qqizinchi o‘ringa erishdi.

8. Xanoy

Xanoy shahri bu yil to‘rt pog‘onani boy berdi, ammo top-10 tarkibida qolishga muvaffaq bo‘ldi.

7. Rim

Rim esa ikki yil ketma-ket yettinchi o‘rinni egallab kelmoqda.

6. Praga

Praga bir pog‘ona pastga tushib, oltinchi o‘ringa joylashdi.

5. Siamreap

Kambojaning Siamreap shahri uch o‘rinni boy berib, beshinchi pog‘onaga tushib qoldi.

4. Parij

Parij shahrida o‘tgan yilning noyabr oyida sodir etilgan teraktlar sayohatchilar oqimi kamayishiga ta'sir qilmadi. Fransiya poytaxti besh pog‘onaga ko‘tarilib, faxrli to‘rtinchi o‘rinni zabt etdi.

3. Marokash

2015 yil reytingida birinchi bo‘lgan Marokash shahri bu yil uchinchi o‘ringa tushib qoldi.

2. Istanbul

Istanbul bir pog‘ona ko‘tarilib, ikkinchi o‘ringa joylashdi.

1. London

London esa joriy yilda besh pog‘ona ko‘tarilib, TripAdvisor reytingi g‘olibiga aylandi.