O‘zbekiston - Bahrayn: «Bunyodkor» stadioni kassalarida chiptalar qolmadi

JCh-2018 va Osiyo kubogi-2019 saralashi doirasida O‘zbekiston va Bahrayn terma jamoalari o‘rtasidagi o‘tkaziladigan o‘yin uchun chiqarilgan chiptalar stadion kassalarida qolmagan. Bu haqda «Bunyodkor» stadioni kassalaridagi manbaga tayanib, «Championat.asia» xabar bergan.

Sayt xabarida yozilishicha, O‘zbekiston — Filippin terma jamoalari o‘rtasida 24 mart kuni bo‘lib o‘tgan uchrashuvdagi kabi, Bahrayn bilan o‘yinda ham stadion muxlislar bilan to‘lishi kutilmoqda.

O‘zbekiston — Bahrayn o‘yini 29 mart soat 18:00 da boshlanadi.