Vetnam parlamenti yangi davlat rahbarini sayladi

Vetnam sotsialistik respublikasi prezidenti lavozimini, Milliy majlis deputatlari ovozi sanalgandan so‘ng, sobiq jamoat xavfsizligi vaziri general Chan Day Kuang egallagan. Bu haqda Associated Press xabar berdi.

60 yoshli general nomzodini mamlakat parlamentining 91 foiz deputati qo‘llab quvvatlagan.

Ovoz berish natijalari e'lon qilingach, prezident o‘z vazifasiga kirishishdan avval, Kommunistik partiya va Vetnam xalqiga sodiq qolishiga tantanali ravishda va'da bergan.