YeChL. "Real" "Volfsburg"dan mag‘lub bo‘ldi, "PSJ" o‘z uyida "Manchester Siti" bilan durang natija qayd etdi

Yevropa Chempionlar ligasi chorak finali doirasida "PSJ" va "Manchester Siti" o‘rtasida kechgan dastlabki bahsda 2-2 hisobidagi durang natija qayd etildi. Dastlab Ibrahimovich penaltidan unumli foydalana olmadi. Shundan so‘ng 38-daqiqada "shaharliklar" safida De Bryuyne katta sahnaga chiqdi, uning bergan zarbasi oldida "PSJ" darvozaboni Trapp ojiz qoldi. Oradan 3 daqiqa o‘tib, aniqrog‘i 41-daqiqada Ibrahimovich o‘z aybini yuvishga erishdi. Jamoalar tanaffusga durrang natija bilan chiqib ketishdi.

Ikkinchi bo‘limning 59-daqiqasida burchak to‘pidan unumli foydalangan parijliklar hisobda oldinga chiqib oldilar, gol muallifi Rabo. Tinib tinchimas Fernandino 72-daqiqada himoyadagi palapartishlikdan foydalanib hisobni tenglashtirishga erishdi. Uchrashuv jangovar durang bilan yakunlandi.

YeChL. Chorak final.

"PSJ" – "Manchester Siti" 2:2
Gollar: De Bryuyne 38, Ibragimovich 41, Rabo 59, Fernandino 72.
Ogohlantirish: David Luiz 1, Klishi 11, Fernando 35, Matyuidi 48, Mangalya 83.

"PSJ" – Trapp, Tiago Silva, Maksvell, Ore, David Luiz, Rabo, Motta, Matyuidi, Di Mariya, Kavani, Ibragimovich.

"Manchester Siti" – Xart, Otamendi, Klishi, Sanya, Mangalya, Fernando, Fernandino, de Bryuyne, Navas, Silva, Aguero.

"Volfsburg" va Madridning "Real" klublari o‘rtasidagi uchrashuv 2-0 hisobi bilan yakunlandi. Gollarni "bo‘rilar" safida Rodrigez 18- va Arnold 25-daqiqada kiritib, jamoalarining sensatsion g‘alabasini ta'minladilar.

"Volfsburg" – "Real" 2:0
Gollar: Rodrigez 18, Arnold 25.
Ogohlantirish: Viyeyrinya 19, Arnold 69, Beyl 69, Navas 85.

"Volfsburg" – Benalo, Dante, Naldo, Rodriges, Viyeyrinya, Shyurrle, Luis Gustavo, Arnold, Gilavogi, Draksler, Bruno Enrike.

"Real" – Navas, Pepe, Marselo, Danilo, Ramos, Modrich, Kazemiro, Kroos, Beyl, Ronaldu, Benzema.

Eslatib o‘tamiz Yevropa Chempionlar Ligasi chorak finalining javob o‘yinlari 12—13 aprel kunlari bo‘lib o‘tadi.