Alfa Tsentavr yulduzini zabt etuvchi nanoyo‘ldoshni ishga tushirish bo‘yicha yangi loyiha e'lon qilindi

Rossiyalik biznesmen Yuriy Milner va fizik Stiven Hoking 12 aprel kuni Nyu-Yorkda Breakthrough Starshot loyihasi ish boshlaganini e'lon qilishdi.

Bu loyihaning maqsadi – soatiga 160 million kilometr tezlik bilan yulduzlar tomon kosmik apparatni uchirish. Breakthrough Starshot loyihasi haqida uning tashabbuskori Yuriy Milner so‘zlab berdi.

Breakthrough Starshot vazifasi bir avlod hayoti davomida amalga oshirilishi taxmin qilinmoqda. Tadqiqot va qayta ishlash dasturiga 100 million dollar sarmoya kiritiladi. Dastur 20 foiz tezlikkacha bo‘lgan bir necha gramm og‘irlikdagi kosmik nanoapparatini tezlatish uchun yorug‘lik nurlari impulsidan foydalanish konsepsiyani qabul qilishga yo‘naltirilgan. Bu kabi tezlikdagi parvoz ishga tushirilganidan so‘ng, taxminan yigirma yil davomida Alfa Tsentavr yulduzini ham zabt eta olish mumkin.

Loyiha direktorlar kengashiga Yuriy Milner va Stiven Hokingdan tashqari Facebook tarmog‘ining asoschisi va bosh direktori Mark Tsukerberg ham kiradi. Shuningdek, maslahat kengashi a'zolari orasida Kosmik tadqiqotlar institutining sobiq direktori Roald Sagdeyevni ham uchratish mumkin.