Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
«Ўзбекистон ҳаво йўллари» МАК Boeing 767 самолётининг Full-flight симуляторини харид қилади
12:15 / 14.04.2016
747

Ўзбекистон миллий авиакомпанияси навбатдаги Full-flight-ўқув симуляторини сотиб олмоқда. Бу ҳақда UzDaily.uz хабар берган.

Канаданинг CAE компанияси маълум қилишича, «Ўзбекистон ҳаво йўллари» миллий авиакомпанияси билан Boeing 767 самолётининг ўқув симуляторини етказиб бериш бўйича келишувга эришилган. Хабарда битим қийматига ойдинлик киритилмаган.

CAE компаниясининг ахборотига кўра, янги ўқув қурилмаси «Ўзбекистон ҳаво йўллари» миллий авиакомпаниясининг машғулотлар базасига жойлаштирилади. 2016 йилнинг ноябридан бошлаб симуляторда машғулотлар ўтказиш мумкин бўлади.

«Ўзбекистон ҳаво йўллари» авиакомпаниясининг машғулотлар мажмуаси нафақат ўз учувчиларини тайёрлаш, балки хорижий авиакомпанияларга ҳам учувчиларини тайёрлаш ва қайта тайёрлаш бўйича хизмат турини таклиф этиш имконини беради.

Бугунги кунда МАК машғулотлар мажмуасида Boeing 757/767 ва А320 самолётларининг замонавий тренажерлари, шунингдек, маҳаллий Ил 114-100 самолётининг Full-flight симулятори мавжуд.


Улашинг
  • Теглар:
Top