BMW tarixi: davom etayotgan yo‘l

2016 yilda yetakchi nemis avtokonsernlaridan biri, BMW (nem. Bayerische Motoren Werke-Bavariya motor zavodi) o‘zining yuz yilligini nishonlamoqda.

Aytish joizki, bu eng birinchi avtomobil zavodi emas, Mercedes-Benz, Opel, Ford, Renault va Fiat kompaniyalari undan avval paydo bo‘lgan, ammo BMW o‘z sinfining yo‘nalishini belgilab beruvchi avtomobillarni ko‘plab ishlab chiqara olgan, desak xato bo‘lmaydi.

Qanchalik ajablanarli bo‘lmasin, avtomobilsozlik BMWning asosiy daromad manbai va bosh maqsadi ham bo‘lmagan. 1916 yili kompaniya aviatsiya dvigatellari ishlab chiqara boshlagan, 1923 yilga kelib mototsikllarni o‘zlashtirgan kompaniya, asta-sekinlik bilan, 1928-yildan avtomobil sanoatiga kirib kelgan.

«"Rulda huzur-halovat bilan!" — bu shunchaki shior emas, balki BMW falsafasidir. Va biz unga rioya etishda davom etamiz», — deb hikoya qiladi Lyudvig Villish, BMW North America kompaniyasi prezidenti.

BMWning zamonaviy mashinalari, har qachongidan ham ko‘p sotilmoqda. Biroq, kompaniya merosi klassik, ya'ni o‘z davrida eng e'tiborli modellari bilan o‘lchanadi. Ajoyib transport vositalarini ishlab chiqish tarixi hurmatga loyiq, albatta.

BMW 507 (1956-1959 yillar ishlab chiqilgan) modelining mashhur xaridorlaridan biri amerikalik musiqachi Elvis Presli edi.

Aytish joizki, 507 modelidan atigi 250 dona ishlab chiqilgani ma'lum bo‘lgach, yaxshi saqlangan bir dona mashina 2 million dollargacha baholandi. Bu esa, BMW 507ga kolleksionerlar qiziqishini yanada oshirdi.

1966-77 yillar oralig‘ida ishlab chiqilgan BMW 2002 esa zamonasining eng arzon klassikalaridan biri bo‘ldi. Mashina muxlislarining aytishlaricha, uning diqqatga sazovor jihati ajoyib ishchanligidadir.

3.0 CSL chiroyli dizayni va poygabopligi bilan xaridorlar e'tiborini qozongan. U shuningdek, kompaniyaning mashhur BMW Art Car seriyasini boshlab bergan mashina hisoblanadi. 1975 yili amerikalik mashhur haykaltarosh Aleksandr Kolder ushbu rusumdagi mashinalardan birini bezagan edi.

1978 yilda paydo bo‘lgan M1, hamon eng chiroyli sportkarlardan biri bo‘lib qolmoqda. Uning dizayni afsonaviy italyan dizayneri Jorjyetto Jujaro tomonidan chizilgan, uning o‘ziga xos shakli birmuncha o‘zgargan holda yangi BMW i8da ham o‘z aksini topgan.

Z8 modeli Jyeyms Bond sarguzashtlaridan hikoya qiluvchi filmlardan birida Pirs Brosnanga hamrohlik qilgan. U ham kolleksionerlarning e'tiborini qozongan mashinalardan biridir.

BMW konsernining 2011 yili ommaga namoyish etgan ajoyib 328 Hommage kontsepti 1930 yillarda ishlab chiqilgan BMW 328 modelining zamonaviy ko‘rinishi bo‘ldi, desak xato qilmagan bo‘lamiz. Uning dizayni vintaj va ayni vaqtda futuristik ko‘rinishga ega.

BMW 3 ning uzviy davomi bo‘lgan BMW 4 modeli esa, ayni vaqtda BMWga muvaffaqiyat keltirgan namunalardan biridir. U 2014 yili ishlab chiqilgan va endilikda «uchlik» va «beshlik» orasini to‘ldirmoqda.

O‘sha yili namoyish etilgan BMW M2 modeli o‘ta samarali ekani bilan boshqa transport vositalaridan ajralib turadi. Uning sport mototsikllari an'analari negizida ishlab chiqilgani xaridorlarning olqishlariga sabab bo‘ldi. BMW muxlislari M2ning ajoyib uzatmalar qutisi va birmuncha arzonligini e'tirof etishdi.

3.0 CSL Hommage R o‘z vaqtida "betmobil" nomi bilan ancha mashhur bo‘lgan BMW 3.0 CSL (1975 yilda "12 soat sebring" nomli chidamlilik musobaqasi g‘olibi)dan ilhomlangan modeldir.

X6M esa BMWning sport reytingida birinchi o‘rinda turishi barobarida kompaniyaga yaxshigina daromad ham keltirmoqda. BMW shu sinfdagi avtomobillar liniyasini 1999 yili X5 bilan boshlagan edi.

i8 gibridi 2014 yil namoyish etilganiga qaramay, ko‘p o‘tmay, kontseptdan o‘z xaridorlariga ega mahsulotga aylandi va BMWning eng ommabop avtomobillaridan biri bo‘lib qolmoqda.

7 seriya avtomobillari — ta'bir joiz bo‘lsa, BMWning eng hashamatli modeli —eng kuchli 12 silindrli dvigatellar bilan jihozlangan.

BMW yettinchi seriyasining yangi modeli o‘z sinfidagi eng innovatsion mashinalardan biri hamdir.