Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Деле Алли футболга хос бўлмаган ҳаракати учун 3 ўйинга дисквалификация қилинди
22:39 / 28.04.2016
1347

"Тоттенҳэм" жамоаси яримҳимоячиси Деле Алли Англия чемпионатининг 3 ўйинидан дисквалификация қилинди. Бу ҳақда Англия футбол ассоциацияси матбуот хизмати хабар тарқатган.

Бунга футболчининг АПЛ 35-турида "Вест Бромвич"га қарши ўйин вақтида рақиб футболчиси Клаудио Якобнинг бел қисмига тўпсиз ҳолда зарба бергани сабаб бўлди. Бу вазиятда ўйин ҳаками тўп ҳаракатланаётган ҳудудга эътиборини қаратгани учун Аллининг ҳаракатларини пайқамаган. Аммо бу ҳолат камераларга муҳрланган.

Футболчи бу вазиятда ўз айбига иқрор бўлган аммо бу унинг жазода қутилиб қолишига олиб келмаган.

Эндиликда, бироз олдинроқ мавсумнинг энг яхши ёш футболчиси совринини қўлга киритган бу футболчи жамоаси мавсумнинг қолган қисмида, чемпионлик масаласи ҳал бўладиган ўйинларда ёрдам бера олмайди.


Улашинг
  • Теглар:
Top