Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Бухорода бўш иш ўринлари ярмаркаси бўлиб ўтди
18:14 / 29.04.2016
3842

Бухорода “Таълим ва мутахассислик” кўргазмаси ҳамда бўш иш ўринлари ярмаркаси ўтказилди. Бу ҳақда “ЎзА” хабар бермоқда.

Мазкур кўргазма вилоят ҳокимлиги, ўрта махсус, касб-ҳунар таълими, халқ таълими, меҳнат бошқармалари ва бошқа ташкилотлар ҳамкорлигида ташкил этилди.

Кўргазмада Бухоро давлат университети, Бухоро муҳандислик-технология институти, Бухоро давлат тиббиёт институти, Тошкент ирригация ва мелиорация ҳамда Тошкент давлат стоматология институтларининг Бухоро филиаллари, шунингдек, вилоятдаги академик лицей ва касб-ҳунар коллежлари ўз таълим йўналишлари, ёшлар учун яратилган қулайликларни ишланма, видеоролик, баннер ва тарқатма материаллар орқали намойиш қилди.

Кўргазма доирасида ташкил этилган меҳнат ярмаркасида 142 корхона, ташкилот ва муассаса 1 минг 500 га яқин бўш иш ўрни билан иштирок этди. Ярмаркада 418 нафар битирувчига ишга жойлашиш учун йўлланма берилди.


Улашинг
  • Теглар:
Top