Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
ЦСКА клуби Россия чемпионатида олтинчи марта бош совринни қўлга киритди
17:59 / 21.05.2016
3568

Москванинг ЦСКА жамоаси футбол бўйича Россия биринчилигида барча рақибларини ортда қолдириб, олтинчи маротаба чемпионлик унвонига сазовор бўлди. Бу ҳақда Россия премьер лигаси сайтида хабар қилинди.

Чемпионатнинг сўнгги 30-туридан ўрин олган ўйинда армиячилар Қозоннинг «Рубин» жамоасини меҳмонда 1:0 ҳисобида доғда қолдирдилар. Ўйиндаги ягона голга Алан Дзагоев 19-дақиқада муаллифлик қилди. ЦСКА дарвозабони Игорь Акинфеев эса, ўйин сўнггида жамоасини иккита муқаррар голдан қутқариб қолиб, ўйиннинг бош қаҳрамони бўлди.

Ростовнинг «Ростов» «Терек» устидан 2:0 ҳисобида устун келиб, биринчи марта иккинчи ўринни эгаллаб, УЕФА Чемпионлар лигасига йўлланмани нақд қилган бўлса, «Динамо»ни мағлуб этган Санкт Петербургнинг «Зенит» клуби учинчи ўрин билан кифояланди.


Улашинг
  • Теглар:
Top