Toshkent yashash uchun eng yomon shaharlar ro‘yxatidan o‘rin oldi

Toshkent shahri Mercer xalqaro konsalting kompaniyasi versiyasi bo‘yicha turmush darajasi eng yomon shaharlar reytingining 26-o‘rinini egalladi. Bu haqda The Independent xabar bermoqda. Hammasi bo‘lib reytingdan dunyoning 33 ta shahri o‘rin oldi. 

O‘zbekiston poytaxtining bu ro‘yxatga kiritilishiga o‘tgan yili AQShning Toshkentdagi elchixonasiga noma'lum kishining hujumi sabab bo‘lgan. Bundan tashqari, shaharlar siyosiy, ijtimoiy-madaniy soha, ta'lim, tibbiy yordam, xizmat ko‘rsatish sifati va boshqa mezonlar bo‘yicha baholangan.

Toshkentdan tashqari, O‘rta Osiyo shaharlaridan Ashxobod, Bishkek va Dushanbe ham bu ro‘yxatdan o‘rin olgan. 
Ro‘yxatda 1-o‘rinni Bag‘dod, oxirgi o‘rinni esa Tanzaniyadagi Dar-as-Salom egallagan.

2015 yilda Economist Intelligence Unit tadqiqotchilik kompaniyasi Toshkentni yashash tarzi yuqori bo‘lgan shaharlar orasiga kiritgandi. 140 ta shahardan iborat bu ro‘yxatda Toshkent 116-o‘rinni egallagandi.