«Barselona» jamoasi Iroqda IShID terrorchilari tomonidan «Real» muxlislarining o‘ldirib ketilishidan keyin jamoaga ta'ziya bildirdi.
«Terrorchilar Iroqda yana bir bor «Real» muxlislariga hujum qildi. «Barselona» o‘z hamdardligini va qo‘llab-quvvatlovini bildiradi», – deyiladi ko‘k-anorranglilar jamoasi rasmiy tvitterida.
28 may oqshomida Iroqda 4 nafar jangari «Real» muxlislari YeChL finalini tomosha qilayotgan xonaga bostirib kirgan va o‘t ochgan. Dastlabki ma'lumotlarga ko‘ra, hujum oqibatida 12 kishi halok bo‘lib, 8 kishi jarohatlangan.
Jangarilar voqea joyidan qochib ketishgan. Iroq hukumati bu hujum uchun javobgarlikni IShID zimmasiga yuklagan.