Fuqarolar ko‘chmas mulk taqiqda ekani haqida onlayn bilishlari mumkin bo‘ladi

Toshkent shahar yer resurslari va davlat kadastri boshqarmasi Yagona interaktiv davlat xizmatlari portali (YaIDXP) orqali ko‘chmas mulk obektlarida xatlov yoki taqiq mavjudligi haqida ma'lumot taqdim etish xizmatini ko‘rsatishni boshladi.

Endilikda jismoniy va yuridik shaxslar elektron ariza yuborishlari va 3 ish kuni davomida xatlov yoki taqiq mavjudligi to‘g‘risida bepul ma'lumot olishlari mumkin. 

Xizmatdan foydalanish uchun ko‘chmas mulk obektining kadastr raqamini bilish kerak bo‘ladi.