Zlatan Ibrahimovich: «Men Fransiyaga prezident Ollanddan ko‘ra ko‘proq yordam berdim»

«PSJ»ni erkin agent sifatida tark etayotgan Zlatan Ibrahimovich o‘zining fransuz futbolidagi o‘rni haqida gapirib o‘tdi.

Le Monde muxbiri unga quyidagi savollar bilan murojaat qilgan.

- Keling avvalo pul haqida gaplashamiz.

– Yaxshi. O‘ylaymanki, pul barcha ishlarni hal qiladi. Lekin baxt pulda emas, buni odamlar tushunishi kerak.

- 2015 yilgi daromadingiz 20 million yevroni tashkil qilgan ekan.

– Bor-yo‘g‘i shuncha deb o‘ylaysizmi?

- Unda taxminan qancha bo‘lgandi?...

– Siz yarim yillik maoshim miqdorini aytdingiz.

- Juda ko‘p pul ishlab topgan ekansiz.

– «Juda ko‘p» nima degani? Men bu so‘zni tushunmayman. Narxlar bozorni belgilaydi. «Ko‘p» yoki yo‘q – bu mening muammoim emas. Bozor aytdi: «Bu sening narxing». Agar boshqa futbolchi 10 barobar yaxshi bo‘lsa, 10 barobar ko‘p maosh oladi. Shunday ishlanadi.

- Bunday raqamdar odamlarni shokka solishi mumkinligini tushunasizmi? Ayniqsa iqtisodiy inqiroz davrida.

– Siz bilasizmi, men qancha maosh to‘layman?

- Yo‘q, aytingchi?

– Bir so‘z bilan aytganda, men mamlakatga prezident Fransua Ollanddan ko‘proq yordam beraman.

– Axir 75 foizlik daromad solig‘i kun tartibidan olib tashlanganku?

– Okey. Siz buni aniq bilasizmi? Men esa to‘lashda davom etmoqdaman. Men soliq idoralariga kattagina pul tushirib beraman.

- Fransiya haqida gapirib bering.

– Ibra keldi va asosiy qahramonga aylandi.

- Yana nimadir qo‘shimcha qilingchi?

– Yo‘q, shu gapim kifoya.

- Frantsuzlar 2015 yil martida siz bu mamlakatni haqorat qilganingizda shokka tushib qolgandi.

– Axir gap futbol haqida edi. Bu Fransiyaga aloqador emasdi. Bu ikkisi alohida narsalar. Men xato gapirgandim, lekin bu mamlakatga emas, futbolga taalluqli gap edi. Axir 4 yil yashagan yurting haqida yomon gap aytish mumkinmi? Agar bu yerda yashash yoqmaganida avvalroq ketgan bo‘lardim» – deydi Ibrahimovich.