Fransiyada Yevro-2016 vaqtida teraktlardan ogohlantiruvchi mobil dastur ishga tushiriladi

Fransiya hukumati futbol bo‘yicha o‘tadigan Yevropa chempionati vaqtida ehtimoliy teraktlardan ogohlantiruvchi bepul mobil dasturni ishga tushirishni rejalashtirmoqda.

Mahalliy OAV vakillarining ma'lum qilishlaricha, ushbu dasturni o‘z mobil telefonlariga yuklab olgan foydalanuvchilarga ehtimoliy teraktlar yuzasidan ogohlantirish keladi. Dasturda, shuningdek, favqulodda vaziyatlarda shaxsiy xavfsizligini ta'minlash yuzasidan zarur ko‘rsatmalar keltirib o‘tilgan.