Xitoyda yoqqan tuxum kattaligidagi do‘l 18 mingdan ziyod mashinani pachoqladi

Xitoy shimolida yoqqan tuxum kattaligidagi do‘l 18 mingdan ziyod mashinaga zarar keltirdi. Bu haqda CCTV+ kanali xabar bermoqda.

Voqea 13 iyun kuni tunda Shansi provinsiyasining Chanchji shahrida ro‘y berdi. Ketidan kuchli jala olib kelgan do‘l yog‘ishi 20 daqiqa davom etgan.

Mahalliy meteorologiya byurosi taqatgan xabarga ko‘ra, shaharning yettita tumani ushbu noqulay ob-havodan aziyat chekkan.