Покистонда она ўзи танлаган кишисига турмушга чиққан ҳомиладор қизини ўлдирди
17:30 / 19.06.2016
10367

Покистон шимоли-шарқидаги Панжоб вилоятида она ўзининг 22 ёшли ҳомиладор қизини сўйиб ташлади. Gulf News хабарига кўра, бунга қиз ўзи истаган кишига турмушга чиқишга қарор қилгани сабаб бўлган.

Хабар қилинишича, ҳомиладорликнинг саккизинчи ойида бўлган қизнинг онасига қотилликни амалга оширишда ота ва ука ҳам ёрдам берган.

Қайд этилишича, полиция бу қотилликка алоқадорларнинг барчасини ҳибсга олган.

Аниқлик киритилишича, исми Муқаддас Тофиқ бўлган марҳум қиз 3 йил олдин ўзи севган йигит билан қочиб кетиб, турмушга чиққан, аммо ота-она бунга қарши бўлган.

Хабарда қўшимча қилинишича, Покистондан ўтган йили "оила шарафини сақлаб қолиш" сабаби билан 1100га яқин қотиллик содир этилган.


Улашинг
  • Теглар:
Top