Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Fan-texnika | 22:00 / 24.06.2016
    9503
    2 daqiqa o‘qiladi

    Mercedes-AMG GT’ning eng tez versiyasining tashqi ko‘rinishi uning namoyishigacha oshkor qilindi 

    Autoevolution nashri ixtiyoriga Mercedes-AMG GT’ning eng tez versiyasi – R’ning rasmiy suratlari tushdi. Suratlar mashinaning 24 iyun Toshkent vaqti bilan soat 23:30dagi ilk namoyishi efirga uzatilishidan 9 soat oldin chop etildi.

    Avvalroq ma'lum qilingandek, Mercedes-AMG GT’ning trek modifikatsiyasi 585 ot kuchiga ega V8 biturbomotor bilan jihozlanadi. Kupe 100 km/soatga 3,6 soniyada erishadi, maksimal tezligi esa elektronika bilan 318 km/soatda cheklanadi. Oddiy AMG GT’ning quvvati 462 ot kuchini, S versiyasiniki esa 510 ot kuchini tashkil qiladi. Mashinalardan birinchisi 100 km/soatga 4 soniyada, ikkinchisi esa 3,8 soniyada erishadi.

    Bundan tashqari, kupe sport aerodinamik obvesi, sozlanuvchi podveska va 1950-yillardagi 300 SL modeli uslubidagi, vertikal bezak elementlari bo‘lgan yangi radiator panjarasi oladi.

    Mercedes-AMG GT R’ning ommaviy namoyishi Britaniyaning Gudvudida tezlik festivalida bo‘lib o‘tadi. Kupe cheklangan miqdorda chiqariladi. Yangi mashinaning narxi, taxminan, 170 mingdan 180 ming yevrogachani tashkil qiladi. Keyinroq modellar qatoriga mashinaning ekstremalroq varianti va orqaga tashlanuvchi tomli varianti qo‘shiladi.