Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
ШҲТ аъзо мамлакат вакиллари Тошкентдаги “Минор” жоме масжидида бўлишди
18:55 / 24.06.2016
18856

Шанхай Ҳамкорлик Ташкилотининг навбатдаги 15 йиллик юбилей мажлисида қатнашиш учун Ўзбекистонга келган хорижий меҳмонлар Тошкентнинг диққатга сазовор масканларига ташриф буюрмоқдалар. 23 июнь куни “Минор” жоме масжидида бир қатор турли мамлакат вакиллари кутиб олинди. Жумладан, АСЕАН халқаро ташкилоти бош котиби Ле Лионг Минь, “Чайна Минметалз корпорейшн” раҳбари Ли Лианг, Ҳиндистон ва Хитой божхона қўмитаси мутахассислари ҳамда ахборот агентликлари вакиллари ташриф буюришди.

Мартабали меҳмонларга “Минор” жоме масжидининг Ўзбекистон Президенти ташаббуслари билан бунёд этилгани, унда Хитой, Украина ва Бельгия каби давлатларнинг энг сара, бақувват қурилиш хом-ашёлари ишлатилгани, замонавий технология ва барча иситиш-совутиш тизимлари билан таъминлангани, 5000 нафар намозхон эмин-эркин ибодат қилиши учун барча қулай шароитлар яратилгани ҳақида батафсил сўзлаб берилди.

Меҳмонлар моҳир ўзбек усталарнинг қўл меҳнатлари ва ҳунармандларнинг санъат даражасига етказиб яратган нақш безаклари, хаттотларнинг тилла суви билан юритган ояти-карималарига тасаннолар айтдилар. Меҳмондўст мезбон ўзбекларга илиқ таассурот ва олинган маълумотлар учун ташаккур изҳор этдилар. Ташриф самимий ва илиқ тарзда ўтди.


Улашинг
  • Теглар:
Top