Кобулда аскарликка янги ёлланганларга ҳужум қилиниши оқибатида 27 киши ҳалок бўлди
15:09 / 30.06.2016
4636

Афғонистон пойтахти Кобул шаҳрида 30 июнь куни худкуш террорчи томонидан полициячиларнинг автобусларига ҳужум уюштирилди. 

Маҳаллий нашрларда маълум қилинишича, бу ҳужум оқибатида 27 киши ҳалок бўлган ва 40 киши яраланган.

TOLOnews телеканали маълумотига кўра, аскарликка энди чақирилганларни олиб кетаётган автобусга ҳужум уюштирилган.

Худкуш террорчи Кобул — Қандаҳор йўлида аскарликка чақирилганларни олиб кетаётган автобус яқинида ўзини портлатиб юборган.

Ушбу террорчилик ҳужуми учун жавобгарлик толибонлар зиммасига юкланган.


Улашинг
  • Теглар:
Top