Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Таиландда протез оёқли биринчи фил намойиш қилинди
07:09 / 01.07.2016
6400

Таиланд шифохонасида бир оёғи йўқ ногирон фил учун ҳақиқий оёқ ҳаракатларини қайтарувчи протез яратилди. Бу протезнинг биринчи эгаси Моша лақабли фил бўлди, деб хабар бермоқда ABC News.

Телеканал маълумотларига кўра, Моша 7 ойлик бўлгандаёқ Мьянма билан чегарада бомбага тушиб қолган ва оқибатда олд чап оёғидан маҳрум бўлган. Ўшандан бери фил ўсгани сари унинг соғлиғи билан муаммолар пайдо бўла бошлаган. Вазннинг нотўғри тақсимланиши туфайли филнинг бўғимлари ва умуртқаси оғриган.

Табиат қўриқчилари Мошага мувозанатни сақлаши учун ёғоч ва пластмасса конструкциялар ясатиб беришган, бироқ улар филга тўлақонли ҳаёт кечиришга имкон бермасди.


Улашинг
  • Теглар:
Top