Samsung Electronics kompaniyasi sohada birinchi bo‘lib o‘ta tezkor, almashtiriluvchi UFS flesh-kartalarini taqdim qildi. Ularni turli gadjyetlar – smartfon, fablet, virtual reallik qurilmalari, ekshen-kameralar va boshqalar uchun mitti qattiq disklar (SSD) sifatida qabul qilish mumkin.
UFS (Universal Flash Storage) – iste'molchilik elektronikasi uchun flesh-xotiralarning umumiy spetsifikatsiyasi bo‘lib, keng ishlatiluvchi eMMC’ga nisbatan iste'mol qilinadigan energiya bir xilda kamayishida unumdorlikni sezilarli oshirishni ta'minlaydi.
Yangi kartalar JEDEC Universal Flash Storage (UFS) 1.0 Card Extension Standard standartiga asoslangan. UFS kartalari o‘lchami microSD xotira kartalariniki kabi 11 × 15 mm ni tashkil qiladi. Shu bilan birga kontaktlarning joylashishi mutlaq boshqacha.
UFS kartalari microSD’ga qaraganda unumdorlikning bir necha barobar yuqoriroq ko‘rsatkichlarini ta'minlaydi. Ketma-ket o‘qish tezligi 530 Mbayt/soniya bo‘lib, bu oddiy microSD kartalarnikidan 5-6 barobar tezroqni tashkil qiladi. Ketma-ket yozish tezligi esa 170 Mbayt/soniyani tashkil qiladi, bu microSD kartalarining eng yaxshi ko‘rsatkichlaridan 2 barobar ko‘proqdir.
UFS kartalarida IOPS ko‘rsatkichi (bir soniyada kirish-chiqish operatsiyalari soni) o‘qishda 40 mingni, yozishda 35 mingni tashkil qiladi. Bu esa an'anaviy microSD kartalarining tegishli qiymatlaridan mos ravishda 20 va 350 barobarga ko‘proqdir.
Birinchi bosqichda UFS kartalar 32, 64, 128 va 256 Gbayt lik hajmda taklif qilinadi. Hozircha bu kartalarning savdoga chiqarilishi muddati va narxi haqida ma'lumot berilmagan.