Далласлик мерган ўлимидан аввал деворда қони билан нома қолдирган
00:07 / 11.07.2016
9543

АҚШнинг Даллас шаҳрида бир неча полицияларни отиб ўлдирган Мики Ксавьер Жонсон деворда ўлим олди номасини қолдирди. Бу ҳақда CNN телеканалига шаҳар полицияси бошлиғи Дэвид Браун маълум қилди

Қотил деворда R ва B ҳарфларини ва "баъзи ёзувлар"ни тасвирлаган. Айни вақтда полициячилар белгилар маъносини расшифровка қилишга уринмоқдалар. 

Брауннинг айтишича, қотилнинг уйида у шаҳарда бир нечта портлаш содир этишни режалаштирганига ишора қилувчи далиллар топилган.

8 июлга ўтар кечаси Далласда полицияга қарши ўтказилган намойишларда бир қатор полициячиларга қарата ўт очилган. 3 нафар полициячи воқеа жойида, яна 2 нафари шифохонада ҳалок бўлган. Яна 6 полициячи жароҳат олганди.  

Ҳужумни амалга оширишда гумон қилинаётган эркак АҚШ армиясининг собиқ аскари Мики Ксавьер Жонсон бўлиб, у Афғонистонда хизмат қилган. Жиноятчи полициячилар томонидан ер ости автотураргоҳида қамал қилиниб, робот-сапёр ёрдамида йўқ қилинган.


Улашинг
  • Теглар:
Top