22:44 / 11.07.2016
9600

Teylor Svift eng katta haq oluvchi yulduzlar reytingiga yetakchilik qilmoqda

Xonanda Teylor Svift Forbes jurnali talqiniga ko‘ra, 2016 yilda eng katta haq oluvchi yulduzlar reytingiga yetakchilik qilmoqda. Bu haqda Associated Press axborot agentligi xabar bermoqda. Mutaxassislarning hisob-kitoblariga ko‘ra, xonanda o‘tgan bir yil ichida 170 mln dollar ishlab topdi. 

Bu borada 2-o‘rinni 110 mln dollar ishlab topgan One Direction guruhi egallamoqda.

6-o‘rinni aktyor va hajvchi Kevin Xart (87,5 mln dollar), 7-o‘rinni boshlovchi Govard Stern (85 mln dollar) egalladi.

Xonandalar Adel 9-o‘rinni (80,5 mln dollar), Madonna 12-o‘rinni (76,5 mln dollar), Rianna 13-o‘rinni (75 mln dollar), Keti Perri esa 63-o‘rinni (41 mln dollar) egalladilar.

Eng katta haq oluvchi juftlik deb xonanda Beyonse va rep ijrochi Jay Z juftligi topildi, ular bir yil ichida 107,5 mln dollar ishlab topishdi.

Top