Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Истанбулдан Тошкентга авиарейслар кечиктирилди
09:34 / 16.07.2016
7831

«Ўзбекистон ҳаво йўллари» миллий авиакомпаниясининг 15 июнь куни кечқурунга мўлжалланган «Истанбул — Тошкент» (HY274) рейси Туркиядаги воқеалар туфайли кечиктирилди. Бу ҳақда авиакомпания матбуот хизмати хабар берди.

Самолёт жадвалга кўра 15 июнь куни маҳаллий вақт билан соат 22:45да Истанбулдан ҳавога кўтарилиши ва Ўзбекистон пойтахтига Тошкент вақти билан соат 5:20да қўниши белгиланганди.

Тошкент аэропортидагилар бу рейс қачон амалга оширилиши ҳақида маълумотга эга эмас.

Истанбулдан жума куни Тошкентга учиши керак бўлган Тurkish Airlines авиакомпанияси рейси (TK368, жадвал бўйича учиш вақти — 23:45) бекор қилинган.

Истанбулдаги Отатурк халқаро аэропорти 15 июль куни кечқурун Туркияда давлат тўнтаришига уриниш вақтида ёпиб қўйилди. Бугун тонгда аэропорт фаолияти тикланиб, Лондондан учиб келган самолёт қабул қилинди.


Улашинг
  • Теглар:
Top