Rossiya Paralimpiya terma jamoasi Olimpiadada ishtirok etishdan mahrum etildi

Xalqaro paralimpiya qo‘mitasi Rossiya paralimpiya terma jamoasini Richard Maklarenning Rossiya sportidagi doping haqidagi hisobotiga asoslanib xalqaro musobaqalardan chetlatishga qaror qildi. Bu haqda qo‘mitaning rahbari Filip Kreyven 7 avgustdagi maxsus matbuot-anjumanida ma'lum qildi.

Shu tariqa rossiyalik paralimpiyachilar Riodagi Paralimpiadada ishtirok eta olmaydigan bo‘ldilar.

Maklaren hisobotida rossiyalik paralimpiyachilarning kamida 35 ta ijobiy doping-namunasi 2011-2015 yillar ichida izsiz yo‘qolgani ta'kidlangan.