Fransiya terma jamoasi va "Yuventus" yarim himoyachisi Pol Pogba "Manchester Yunayted" o‘yinchisiga aylandi, deb xabar bermoqda Tribuna.uz.
23 yoshli futbolchi tibbiy ko‘rikdan muvaffaqiyatli o‘tdi va "MYu" bilan shartnoma imzoladi. Kelishuv 5 yilga mo‘ljallanadi va yana bir yilga uzaytirilishi mumkin.
Avvalroq futbolchining transfer bahosi 110 mln yevroni tashkil qilishi ma'lum qilingandi.
Pol Pogba "Yuventus"ga "MYu"dan 2012 yilda o‘tgan. U italyan klubidagi 4 yillik faoliyati davomida 4 marta Italiya chempioni, 2 marta mamlakat kubogi sohibi, 3 marta Italiya Superkubogi sohibi bo‘lishga ulgurdi. O‘tgan mavsumda Pogba "Yuve" safida 35 ta o‘yinda maydonga tushib, 8 ta gol muallifiga aylangandi.