O‘zbekistonda Artel va Samsung konditsionerlarini ishlab chiqarish deyarli ikki barobarga oshiriladi

O‘zbekistonda «Artel» va «Samsung» rusumli xo‘jalik va sanoat konditsionerlarining split tizimlarini ishlab chiqaruvchi «Dream production» qo‘shma korxonasi 2018-yilga kelib ishlab chiqarish hajmini salkam 2 baravarga oshirishni rejalashtirmoqda. 

Ayni chog‘da, «Dream Production» MChJ ishlab chiqarish quvvatlarida «Samsung», «Shivaki», «Montana», «Gloria», «Aurora», «Registon», «Shahrisabz», «Sherdor» kabi konditsionerlar ishlab chiqarilmoqda.

2016-yili bu yerda 8 ming dona xo‘jalik split-tizimlari va 2 mingta sanoat konditsionerlari ishlab chiqarish rejalashtirilgan. Bunda, mahalliylashtirish darajasi 37,7 hamda 40,6 foizni tashkil etadi. 

Biroq, Respublika lokalizatsiya dasturi doirasida 2017-yili korxonada jami 14,4 mingta xo‘jalik va 3,6 ming dona sanoat konditsionerlari ishlab chiqarilsa, 2018-yilga kelib, ishlab chiqarish hajmi 15,8 ming xo‘jalik va 3,9 mingta sanoat konditsioneriga yetkaziladi. 

Bunda, lokalizatsiya darajasi 2018-yilda 50 foizni tashkil etadi.