Aka-uka rejissyor Dardennlar jahonni tashvishga solayotgan muammo xususida film suratga olmoqchi

Kann kinofestivalining "Oltin palma yaprog‘i" sovrinini ikki marta qo‘lga kiritgan taniqli belgiyalik rejissyor, ssenariynavis va prodyuserlar aka-uka Lyuk va Jan-Per Dardenn terrorizm haqidagi film ustida ishni boshlab yuborishdi. 

"Biz allaqachon ssenariy yozmoqdamiz, o‘ylaymizki kelasi yilning kuzida Belgiyada filmni suratga olamiz", — deya Lyuk Dardenn so‘zlarini keltiradi Belga agentligi.

Aka-uka Dardennlar 1999-yili "Rozetta", 2005-yili "Chaqaloq" filmi uchun "Oltin palma yaprog‘i"ni qo‘lga kiritgan edi.