Samsung'ning eng yangi flagmani zaryadlanayotgan vaqtda portlab ketdi

Xitoyda eng yangi Samsung Galaxy Note 7 flagman smartfonining ilk xaridorlaridan biri ma'lum qilishicha, qurilma zaryadlash uskunasiga ulanganda portlab ketgan. Smartfon egasi ziyon yetgan gadjyetining suratlarini o‘zining Baidu'dagi sahifasida namoyish qildi.

Suratlarga ko‘ra, portlashga smartfon sohibining Samsung original zaryadlash uskunasidan emas, boshqasidan foydalangani sabab bo‘lgan. 

Bundan avval britaniyalik velosipedchi Garet Klirning orqa cho‘ntagida iPhone 6 qurilmasi portlab ketgani to‘g‘risida xabar tarqalgandi, shundan so‘ng jabrlanuvchiga teri ko‘chirib o‘tkazishga to‘g‘ri kelgan. 

Xuddi shunday voqea hindistonlik Ajay Raji Negi bilan ham sodir bo‘lgan. U o‘zining feysbukida Xiaomi Mi4i smartfonining kutilmaganda qo‘lida portlab ketganidan jabrlangani haqida ma'lum qilgandi.