O‘zbekistonliklar dzyudo bo‘yicha Toshkent Gran-Prisining ilk kunida 7ta medal oldi

6 oktabr kuni Toshkent shahrida dzyudo bo‘yicha Gran-Pri turniri boshlandi. «O‘zbekiston» sport majmuasidagi ushbu turnirning  birinchi kunida o‘zbekistonlik sportchilarga 7ta medalga ega chiqdi. Bu haqda O‘zbekiston dzyudo federatsiyasi matbuot xizmati xabar bergan.

7 vazn toifasida bo‘lib o‘tayotgan kurashlarning 60 kilogrammgacha bo‘lgan polvonlar o‘rtasidagi musobaqasida Muhriddin Tilovov oltin medalni qo‘lga kiritdi.

Kumush medal 52 kilogrammgacha bo‘lgan sportchilar o‘rtasida gilamga chiqqan Diyora Keldiyorovaga nasib qildi.

Yana 5 nafar o‘zbekistonlik dzyudochi bronza bilan kifoyalandi: Nodira Gulova (-48 kg), Muqaddas Kubayeva (-48 kg), Guloyim Jumaboyeva (-52 kg), Sanobar Sultonova (-57 kg) va Sharofiddin Lutfullayev (-60 kg).

Umumjamoa hisobida rossiyalik sportchilar 1-o‘rinni egallab turibdi. Delegatsiya hisobida 2ta oltin va 1ta kumush medali bor.