"Barselona" rahbariyati hujumchi Lionel Messi bilan yangi shartnoma borasida muzokaralarni davom ettirmoqda. Bu haqda Diario Gol nashri xabar berdi.
Ayni paytda tomonlar yangi shartnomaning moliyaviy shartlari bo‘yicha kelishuvga erishdilar. Biroq Messi yangi shartnomada o‘zi istagan vaqtda "Barselona"ni tark etish va "Nyuells Old Boyz"ga o‘tish imkoniyatiga ham ega bo‘lmoqchi.
Eslatib o‘tamiz, Messi Argentinaning "Nyuells Old Boyz" klubi tarbiyalanuvchisi hisoblanadi. Faoliyatini shu jamoada tugatishni istayotganligini ma'lum qilgan edi.
Manba: Tribuna.Uz
