«Chelsi» «MYu»ni yirik hisobda yengdi

Bugun Angliya premer-ligasining 9-turi doirasida «Chelsi» «MYu»ni qabul qildi.

Uchrashuv maydon egalarining to‘la ustunligida o‘tdi va bu hisobda ham aks etdi. Birinchi bo‘limda raqib darvozasini 2 bor aniq nishonga olgan Antonio Konte shogirdlari, ikkinchi bo‘limda ham shuncha gol urishdi. Joze Mourino shogirdlari esa 4ta golga bitta ham javob qaytara olmadi.

Endilikda «Chelsi» 19 ochko bilan APL turnir jadvalida to‘rtinchi o‘rinda joylashdi. Yettinchi o‘rinda qolayotgan «MYu» hisobida 14 ochko to‘plangan.

Chelsi – Manchester Yunayted 4:0
Gollar: 1:0 – 1 Pedro, 2:0 – 21 Keyxill, 3:0 – 62 Azar, 4:0 – 70 Kante.
Chelsi – Kurtua, David Luiz, Keyxill, Alonso, Aspilikueta, Matich, Mozes, Pedro (Chaloba, 71), Kante, Azar (Villian, 78), Diyego Kosta (Batshuayi, 78).
Manchester Yunayted – De Xea, Valensiya, Smolling, Bayi (Roxo, 52), Blind, Lingard (Marsyal, 65), Fellayni (Mata, 46), Errera, Pogba, Reshford, Ibragimovich.
Ogohlantirishlar: Pedro (1), Bayi (29), David Luiz (41), Alonso (66), Pogba (75).