FIFA Angliya va Shotlandiyaga lola-qizg‘aldoq belgisi tushirilgan formada o‘ynashni taqiqladi

FIFA JCh-2018 saralashidan o‘rin olgan Angliya – Shotlandiya o‘yinida, jamoalarga lola-qizg‘aldoq tasviri tushirilgan futbolkalarda maydonga tushishga ruxsat bermadi.

Bunga sabab lola-qizg‘aldoq Britaniyada urush qurbonlari xotirasiga hurmat belgisi hisoblanadi.

Buyuk Britaniyada 11 noyabr urushda halok bo‘lgan Britaniya hamdo‘stlik davlatlarining harbiylariga bag‘ishlangan kun hisoblanadi.

FIFA esa bu belgini siyosiy timsol deb hisoblaydi. FIFA qoidalariga ko‘ra, futbolchilarning libosida hech qanday siyosiy yoki diniy ma'noga ega bo‘lgan belgilar bo‘lmasligi kerak.

Shunga ko‘ra, FIFA bu belgini futbolchilarning kiyimida tasvirlanishini taqiqladi

JCh-2018 saralashidan o‘rin olgan Angliya - Shotlandiya bahsi 11 noyabr kuni "Uembli"da bo‘lib o‘tadi.