Ronaldu: Ispaniya chempionati - sprint emas, marafon, «Real» kurashni davom ettiradi

«Real» hujumchisi, Marca nashri tomonidan ta'sis qilingan primeraning mavsum-2015/16dagi eng yaxshi o‘yinchisi nomini qo‘lga kiritgan Krishtianu Ronaldu Ispaniya chempionligi uchun kurash haqidagi fikrlarini bildirib o‘tdi.

«Bugun men uchun o‘zgacha kun bo‘ldi. Bugun «Real» bilan shartnoma imzoladim va mukofotlandim, yana nimani so‘rashim mumkin?

Juda xursandman. Bu menga yaqin bir necha yillar yanada ko‘proq ishlashimga va yanada yaxshiroq bo‘lishimga turtki beradi.

Primerada, kutilganiday jiddiy raqobat bor, bu sprint emas, marafon. Biz kurashda davom etamiz», - deydi Ronaldu.

Eslatib o‘tamiz, «Real» 11 turdan so‘ng 27 ochko jamg‘argan holda «Barselona»ni 2 ochkoga ortda qoldirmoqda.