O‘n olti yil avval Simpsonlar epizodi Donald Tramp bir kun kelib AQSh prezidenti bo‘lishini ko‘rsatgandi. Ko‘p yillardan buyon ekran yuzini ko‘rib kelayotgan multserialdagi voqealarning ba'zilari hayotimizda ham sodir bo‘lgan. E'tiboringizga "Simpsonlar" serialida namoyish etilib, biroz vaqt o‘tib hayotimizda ham yuz bergan tasodifiy voqealarni taqdim etamiz.
Tramp prezidentligi
2000 yildagi epizod Tramp prezident bo‘lishini hikoya qiladi. Bu voqea chindan ham xuddi multfilmdagidek sodir bo‘ldi — hattoki real hayotdagi vaziyatlar serial kadrlariga mos keladi. Bundan tashqari, multiplikatorlar milliarderning saylovoldi kampaniyasining maxsus uslubi haqida ham to‘xtalib o‘tishgan.
Pomidor va tamaki gibridining ixtiro qilinishi
1999 yilda Gomer pomidor va tamaki gibridini yaratish uchun yadroviy quvvatdan foydalanadi. Unga esa «tomacco» deb nom beradi. Bu esa agronom -sarguzashtchi Rob Baurni ilhomlantiradi. U o‘zining tamaki geni bilan pomidor gibridini yaratishga qaror qildi. 2003 yilda birinchi sabzavot o‘sib chiqadi va agranom ularni Simpsonlar ssenariy ustalari jamoasiga sovg‘a qiladi.
Ebola bezgagining avj olishi
1997 yil Simpsonlar multserialida Ebola virusi avj olishi bashorat qilinadi. U vaqtda bezgak faqat tor doiradagi tadqiqotchilargagina ma'lum edi. 17 yil o‘tib 2014 yilda bashorat qo‘rqinchli tusda haqiqatga aylandi.
Xiggs bozoni massasining ochilishi
1998 yilgi epizodda Gomer Simpson ixtirochiga aylanib, doskada murakkab tenglamalarni yechish bilan shug‘ullanadi. "Simpsonlar va ularning matematik sirlari" kitobining muallifi Saymon Singx so‘zlariga ko‘ra, Gomer Xiggs bozoni zarrachasining massasi haqida so‘zlaydi. Bu ilk bor 1964 yil professor Piter Xiggs tomonidan aytilgan edi, biroq olimlar Xiggs bozoni mavjudligiga isbotni faqat 2014 yildagina aniqlashdi.
