Palmiraga IShIDning besh ming jangarisi hujum qildi

IShID terrorchilik guruhi jangarilari Suriyaning Palmira shahriga hujumga bor e'tiborni qaratishdi. Bu holat ular tomonidan Rakkadagi harbiy harakatlar qayta boshlanmasligiga bo‘lgan ishonch bilan bog‘liq, deb ma'lum qildi Rossiya Mudofaa vazirligi rasmiy vakili general-mayor Igor Konashenkov.

"AQSh va xalqaro koalitsiyaning Rakka tumanidagi faol harbiy harakatlari bahorga qadar to‘xtab qolganini inobatga olib, IShID Palmiraga bo‘lgan hujumga katta kuchini tashladi. Taxminan to‘rt ming terrorchilar texnika bilan", - deya aytib o‘tdi u.

Uning qo‘shimcha qilishicha, IShID jangarilari so‘nggi bir sutka davomida Palmiradagi Suriya qo‘shinlari pozitsiyalariga bir necha bora hujum uyushtirib ko‘rishgan.

"Shaharga terrorchilarning hujumi uch yo‘nalish bo‘yicha amalga oshirilmoqda: shimol, sharq va janubdan. Hammasi bo‘lib besh mingdan ortiq jangari bunda qatnashmoqda. Shuni ta'kidlab o‘tish lozimki, Palmira yonida o‘tgan payshanbaga qadar bunday miqdordagi terrorchilar guruhi bo‘lmagan. Aftidan IShID Rakkadagi harbiy harakatlar tiklanmasligiga ishonch hosil qilgan", - deya aytib o‘tgan u.