ITF britaniyalik Endi Marrey va germaniyalik Anjyelik Kerberni yilning eng yaxshi tennischilari deb topdi. Sportchilarga maxsus mukotfotlar Parijda kelasi yilning 6 iyun kuni topshiriladi.
Eslatib o‘tamiz, britaniyalik tennischi 2016 yilning noyabrida o‘z faoliyatida ilk bora ATR reytingining birinchi pog‘onasiga ko‘tarildi. Sportchi ikki hafta o‘tib Londondagi yakuniy musobaqa finalida serbiyalik Novak Jokovich ustidan g‘alaba qozongan.
Anjyelik Kerber esa joriy yilda Australian Open va AQSh ochiq chempionatida g‘alaba nashidasini surdi. Shuningdek, germaniyalik tennischi Uimbldon finaliga qadar yetib borgan.
